Ardibidepikua Bertikala lasterketa bertikala moduko kirol proba da. Helburua Larraza mendia (1.587m) igotzea da, 3,2 kilometro eskas dituen ibilbidean. Desnibel positiboa 800 metrokoa da. Irteera, Izabako Erminea frontoiaren plazan da eta igoera basotik egiten da Ardibidepikuara bidean, eta hau gainditu ostean Larrazako gailur ikusgarrian amaitzen da. Informazio gehiago: www.camilleextreme.com.

Camille Extreme Izabako Kirol Elkarteak antolatu ohi duen mendi-lasterketa bat da. 2005ean egin zen lehenengo aldiz; 31,6 kilometro ditu ibilbideak, eta Ezkaurre mendia, besteak beste, igotzen da. Euskal Herriko eta Espainiako txapelketak hartu ditu, eta nazioarteko zirkuituen parte ere izan da (Skyrunner Series, adibidez). Informazio gehiago: www.camilleextreme.com.

Izabako Zinema Kultur Elkarteak zinema-zikloa antolatzen du urtero, abuztuan; izan ere, jende asko egon ohi da herrian garai horietan. Ziklo horrez gain, elkarteak filmak programatu ohi ditu urtean zehar Izabako zineman.